ब्रेकिंग

मंदिर परिसरात मैलापाणी शिरले; मनसेकडून दुरुस्तीची मागणी

Wrutuja pandharpure
07 May 2025

पुणे : गणेश खिंड रस्त्यावरील ई-स्केअर थिएटर व विजय हौसिंग सोसायटी मागील एस.ई.एस. गुरुकुल शाळेमागील रेणुका माता मंदिरासमोर गेल्या दीड महिन्यापासून ड्रेनेज लाईन तुंबली आहे. या पाण्यामुळे परिसरात दुर्गंधी पसरली आहे. चिखल व दलदल झाल्यामुळे नागरिकांना त्रास सहन करावा लागत आहे. सुट्ट्यांमुळे या परिसरात खेळायला येणार्‍या लहान मुलांच्या सुरक्षिततेचा प्रश्न निर्माण झाला आहे.

या समस्येबाबत मनसेचे शाखा उपाध्यक्ष अविनाश वाईकर यांनी संबंधित अधिकार्‍यांकडे वारंवार तक्रार करूनही दखल घेण्यात आलेली नाही. त्यामुळे नागरिकांनी मनसेच्या कार्यकर्त्यांकडे तक्रारी केल्या आहेत. या पार्श्वभूमीवर मनसेच्या वतीने नुकतेच घोले रोड क्षेत्रीय कार्यालयात सहाय्यक आयुक्त यांना निवेदन देण्यात आले. येत्या ४८ तासांत ड्रेनेज लाईन दुरुस्त न झाल्यास मनसेकडून आंदोलन करण्यात येईल, असा इशारा यावेळी देण्यात आला. निवेदन देताना मनसेचे उपशहराध्यक्ष सुहास निम्हण, उपविभागाध्यक्ष संजय तोडमल, शाखाध्यक्ष निखिल जोशी, किशोर इंगवले व इतर कार्यकर्ते उपस्थित होते.